အမှန်တကယ် ၀န်ခံရရင် ကျွန်မစိတ်တွေ အရမ်းလှုပ်ရှားနေပါတယ်။ ကြောက်လန့်နေခြင်းလဲ ဖြစ်နိုင်ပါတယ်။ မြန်မာနိုင်ငံမှ သုံးနာရီကြာ လေယာဉ်စီးပြီး အခုကျွန်မ မလေးရှားနိုင်ငံ ကွာလာလမ်ပူက လေယာဉ်ကွင်းကြီးထဲကို ရောက်နေတာပါ။ဟောခန်းတစ်ခုလုံး ဖွင့်ထားတဲ့ လေအေးပေးစက်ကြောင့်လား၊ စိုးရိမ် ပူပန်နေမှုကြောင့်လားတော့ မသိ ကျွန်မရဲ့ ခြေဖျားလက်ဖျားလေးတွေ အေးစက်နေပါတယ်။ ကျွန်မတို့ကို လာရောက်ကြိုမယ့် သူဌေးနဲ့ အေးဂျင့်က လူတွေကို စောင့်နေတာ အခုဆို အချိန် လေးနာရီ ကျော်သွားပါပြီ။

အပြင်ကို လှမ်းမကြည့်နိုင်ပေမဲ့ လက်မှာပတ်ထားတဲ့ နာရီကို ကြည့်ခြင်းအားဖြင့် အပြင်မှာ မှောင်နေလောက်ပြီလို့ ကျွန်မ ခန့်မှန်းကြည့်နိုင်ပါတယ်။ "သမီးလေး ဆာနေလိမ့်မယ်" စိုးရိမ်တကြီးနဲ့ ပေးလိုက်တဲ့ အမေ့ရဲ့ ပေါင်မုန့်လေးတစ်လုံး၊ လေယာဉ်မယ် ချောချောလေး လာကျွေးထားတဲ့ ထမင်းဘူး သေးလေး တစ်ဘူးတို့က ကျွန်မကို အာသာပြေရုံလောက်ပါပဲ။ အခု ကျွန်မ ဗိုက်ထဲက တစ်ကျုပ်ကျုပ်နဲ့ ဆာလောင်မှုကို ကျွန်မ လျစ်လျှူရှုထားလိုက်ပါတယ်။ ကျွန်မ ဒီအခန်းကျယ်ကြီးထဲမှာ တစ်စက္ကန့်တောင် မနေချင်တော့ပါဘူး။ ထိုင်စရာခုံမရှိလို့ ကျောက်ပြား ခင်းထားတဲ့ ကြမ်းပြင်ကျယ်ကြီးပေါ်မှာ ကျွန်မတို့လို ဘ၀တူတွေ ဟိုတစ်စု ဒီတစ်စုနဲ့ပေါ့။

ကျွန်မ စိတ်ထင် အယောက်သုံးရာကျော် လေးရာနီးပါးလောက်ရှိမယ်။မြန်မာနည်းတူ ဗီယက်နမ်တွေ၊ အင်ဒိုနီးရှားတွေ ဟိုတစ်စု ဒီတစ်စုနဲ့လေ။ ကျွန်မတို့ ခြောက်ယောက်ကတော့ ဟိုဘက်ငေးလိုက်၊ ဒီဘက်ငေးလိုက် စကားပြောလိုက်နဲ့ပေါ့။

"ငါ့ညီမတွေ ဒီဘက်မှာစုနေကြပါလား။ ဒီဘက်က သိပ်မအေးဘူး။ ဗိုက်ဆာနေကြပြီလား။ အစ်ကိုတို့ အေးဂျင့်လဲ မလာသေးဘူး။" အသက် သုံးဆယ်ဝန်းကျင်လောက်ရှိသော အစ်ကိုကြီးတစ်ယောက်၊ အသားညိုညို အင်္ကျီ အဖြူနှင့် သွားတွေက ၀ါးထားသော ကွမ်းအရှိန်ကြောင့် နီမြန်းနေသည်။ပိုက်ဆံအိတ် တစ်လုံးကိုလဲ ခါးမှာ ပတ်ထားသေးသည်။ သူက လူဟောင်းဖြစ်နိုင်သည်။ ဒါနဲ့ ကျွန်မ သိချင်တာတွေကို တသီတတန်းကြီး မေးကြည့်သည်။နည်းနည်းတော့ အားတက်သွားတာ အမှန်ပါ။

သူဌေးတွေနဲ့ အေးဂျင့် ပွဲစားတွေ ရောက်လာကြသည်။ နာမည်တွေခေါ် ဟိုအော်ဒီအော်နဲ့ တစ်ဖွဲ့ ပြီးတစ်ဖွဲ့ လိုက်သွားကြသည်။ ကျွန်မတို့ကို လာကြိုမယ့်သူမျုား အခုထိမလာသေး။ အသက်သုံးဆယ်ကျော်လောက်ရှိမယ့် လူလေးယောက်၊ နယ်ကဖြစ်ဟန်တူသည်၊ သူတို့က မနေ့က ကတည်းကရောက်တာတဲ့။ အခုထိ ဘယ်သူမှ လာမခေါ်သေးဘူးတဲ့။ ဘုရား၊ဘုရား။ ရက်စက်လိုက်ကြတာ။

ကျွန်မ ရင်တွေ လှိုက်လှိုက်တုန်နေပြီ။ ခြေထောက်တွေလဲ ကိုက်ခဲနေပြီ။ လှချင်စိတ်ဖြင့် ၀တ်လာခဲ့သော ကျွန်မရဲ့ ဖန်ဒေါက်ဖိနပ်ချွန်လေးကို အလိုလို ဒေါသထွက်နေမိသည်။ ဟိုဘက်က ဗီယက်နမ်မလေးနဲ့ သွားစကားပြောကြည့်သည်။ အင်္ဂလိပ်စကား ရေးရေးမျှ နားမလည်။ ဒါမလေးရှားတဲ့လား။ ဒါမလေးရှား ရဲ့ အလုပ်သမား ဘ၀တဲ့လား။ ဘ၀တိုးတက်ချင်လို့ပါဆိုတဲ့ အကြောင်းပြချက်လေးနဲ့ အမေ့ရင်ကိုစုံကန်ပြီး လှမ်းခဲ့တဲ့ ပထမဆုံးခြေလှမ်း။ အခုလက်ရှိ အခြေအနေ အရဆိုရင် ကျွန်မတို့ ဘ၀တွေက ငွေဝယ်ကျွန် ဆန်ဆန် ဘ၀ထဲကို ရောက်နေပါပေါ့။

……….ကျွန်မ နာမည်ခေါ်သံကြား လိုက်ပြီ။ အသားညိုညို နှုတ်ခမ်းမွေးစစနဲ့ ဆံပင်ကုတ်လောက်ရှိတဲ့ လူတစ်ယောက်၊ သူကျွန်မ နာမည်ကို အော်ခေါ်နေတာ။ လက်ထဲမှာလဲ စာရွတ်တွေနဲ့။ သူပဲဖြစ်မှာ ဒါ အေးဂျင့်ပဲ ဖြစ်မယ်။ ကျွန်မတို့ အုပ်စုရဲ့ နာမည်တွေကို ခေါ်နေ ပြီးတော့ နိုင်ငံကူးလက်မှတ် ( passport)တွေ နဲ့ တိုက်ကြည့်သည်။ မှန်တယ်ဆိုပြီး ကျွန်မတို့ နိုင်ငံကူးလက်မှတ်တွေကို အကုန်သိမ်းသွားသည်။

"ဒီနားမှာလာတန်းစီ လက်ဗွေနှိပ်ရမယ်" သူ အင်္ဂလိပ်လိုကော လက်ဟန်ခြေဟန်ကော လုပ်ပြသည်။ ကျွန်မတို့ သူပြောတဲ့ အတိုင်း တသွေမတိမ်းပေါ့။ ရှေ့မှာ အယောက် ငါးဆယ်ကျော်လောက် ရှိသည်။ ကျွန်မတို့ ဒီကတော်တော်နှင့် ထွက်နိုင်မယ် မထင်သေး။ နောက်ထပ် နာရီဝက်အကြာမှာတော့ ကျွန်မတို့ အောင်မြင်စွာနဲ့ ထိုအခန်းထဲမှ ထွက်ခဲ့ကြရသည်။ မထွက်နိုင်သေးသော ဘ၀တူ လူများ၏ မျှော်လင့် တောင့်တသော အကြည့် အားကျသော အကြည့် စိတ်ပျက်အားငယ်သောအကြည့် တို့ကို ချန်ရစ်ကာ ကျွန်မတို့တွေ ထွက်လာခဲ့ကြသည်။ မွန်းကျပ်မှုတို့ လွန်မြောက် သွားပေမယ့် ဆာလောင်မွတ်သိပ်မှုကတော့ ပိုတိုးလာခဲ့ပြီ။ အိပ်လည်း အိပ်ချင်လှပြီ။ သြော်..ည ဆယ့်နှစ်နာရီတောင် ကျော်သွားပြီကိုး။

ကျွန်မတို့ကို ဒီည အေးဂျင့် ရုံးမှာပဲ ပေးအိပ်ပြီး မနက်ဖြန်မှ အလုပ်ရုံကို လိုက်ပို့မည် ဖြစ်ကြောင်း ပြောသည်။ ကားမိနစ် သုံးဆယ်ကျော်လောက် စီးပြီးနောက်ဆုံးတွင်တော့ အေးဂျင့်ရုံးကို ရောက်ပြီ။ အခန်းက သိပ်မကျယ်ပေမဲ့ သူနေရာနှင့်သူ သပ်သပ်ရပ်ရပ်လေး။ ဒီတစ်ညတော့ အေးဂျင့် ကျွေးသော ထမင်းနှင့် ပါလာသော ဟင်းအခြောက်ကို စားပြီး အိပ်စက် အနားယူကြမည်။

မနက် ရှစ်နာရီတောင် ထိုးမှကိူး။ နည်းနည်း အားပြည့်လာပြီ။ လန်းလန်းဆန်းဆန်း လည်းရှိလာသည်။ တံခါးခေါက်သံ ကြားသည်မို့ အေးဂျင့်လာကြိုပြီး ကျွန်မတို့ အလုပ်နေရာကို သွားရတော့မည်လို့ အတတ်သိလိုက်ပြီ။ ညက လာကြိုသော မလေးရှားတော့မဟုတ်တော့။ တရုတ်လူမျိုးနှစ်ယောက် ၊ မျက်နှာက မချိပြုံးနှင့် အသားဖြူဖြူ ပိန်ပိန်ပါးပါး တစ်ယောက်။ ဗိုက်ရွှဲရွှဲ ထောင်ထောင်မောင်းမောင်း တစ်ယောက်။ ကျွန်မတို့ ပစ္စည်းတွေသိမ်းပြီးလိုက်သွား ရဦးမည်။

အလုပ်နေရာက အေးဂျင့်ရုံးနှင့် တော်တော်လှမ်းပုံရတယ်။ မိနစ် လေးဆယ့်ငါးမိနစ်လောက် သာသာကားစီးလာတာ တောင်မရောက်သေး။ သူတို့ပြောတော့ ပလက်စတစ် စက်ရုံတဲ့ အခုတော့ စက်ရုံဝင်းထဲကို ရောက်နေပြီ။ စက်ရုံက သိပ်မကြီးပေမဲ့ ပစ္စည်းတွေ ထော်လီတွေ တွန်းလှည်းတွေနှင့် ပြည့်နှက် ရှပ်ပွနေသည်။ မလေးရှားနိုင်ငံရဲ့ ရာသီဥတုကလဲ အတော့်ကိုပူလှသည်။ ကျွန်မတစ်ကိုယ်လုံး ရှိန်းရှိန်းထအောင်ပူနေပါတယ်။ ကျွန်မတို့ နေရမယ့် အခန်းနေရာရောက်တော့ ကျွန်မ စိတ်ဓာတ်တွေ အကြီးအကျယ် ကျသွားပါပြီ။ ကျွန်မတင်းထားသော စိတ်များ၊ မျှော်လင့်ထားသော အိပ်မက်များ၊ စိတ်ကူးပုံဖော်ထားခဲ့သော အရာများ အားလုံး တစ်စစီပါပဲ။

နေအပူရှိန်ကြောင့် ကျွတ်ကျွတ်ရိုက်အောင် ပူနေတဲ့ ဟောဒီ ကွန်တိန်နာလေး(container box)ထဲမှာ တစ်ခန်းကို သုံးယောက် နေရမတဲ့လေ။ စုတ်ပြတ်သတ်နေသော မီးဖိုဆောင်လေး ၊ သွပ်ပြားကာထားသော တံခါးရဲ့ နောက်က ညစ်ပတ်နံစော်နေသော အိမ်သာ။ ကျွန်မ အတော့်ကို စိတ်ပျက်သွားပြီ။ အံကိုကြိတ်ပြီး တင်းထားပါလျက် ပြိုဆင်းလာတဲ့ ကျွန်မရဲ့ မျက်ရည်တွေ။ ကျွန်မတို့ ဘာလုပ်ကြမလဲ။ ဘယ်လို ရွေးချယ်မှုမျိုး ပြုလုပ်နိုင်ပါသေးသလဲ။ သူတို့ထားခဲ့တဲ့ အခန်းလေးထဲမှာ ဒေါသထွက်သူကထွက်။ ကျွန်မလို မျက်ရည် ကျသူကျ။ အာဘောင်အာရင်း သန်သန်နဲ့ ဆဲရေးသူကဆဲနှင့်။

ဒီနေ့ဟာ ကျွန်မအတွက်တော့ မလေးရှားမြေကို စနင်းတာ နှစ်ရက်မြောက်နေ့ပါ။ ဒီလိုမျိုးနေ့တိုင်းကို ကျွန်မ ဘယ်လို ဖြတ်သန်းရမလဲ။ စိတ်ပျက် ငြီးငွေ့မှုတွေနဲ့ ကျွန်မရဲ့မနက်ဖြန်တိုင်းကို အဆုံးသတ်ရမလား။ ဖြစ်လာတဲ့ အရာတွေ အတွက် အခု ကျွန်မမှာ ကြံ့ခံနိုင်တဲ့ အားမရှိတော့ဘူး။ ကျွန်မ ဒီလိုနေ့တွေ ဘယ်လောက်ကြာအောင် ကျင်လည်ရမလဲ။ အခု အချိန်မှာ ခေါင်းထိုးပြီး ငိုစရာ အမေ့ ရင်ခွင်လဲ မရှိဘူး။ ကျွန်မဘေးမှာ စိတ်ပျက် အားငယ်မှုတွေနဲ့ ကျွန်မနည်းတူ ခံစားနေရမယ်လို့ ထင်ရသော သူငယ်ချင်းများကော….။

ဒီလိုနေ့တွေနဲ့ အစပျိုးရမယ့် ကျွန်မရဲ့ အလုပ်သမားဘ၀လေ။ စက်ဆုပ်ဖွယ်ကောင်းတဲ့ ငွေဝယ်ကျွန်စနစ် သာသာ ရှိတဲ့ မလေးရှားရဲ့ အလုပ်သမားဘ၀။ ကျွန်မ အလွန်ကြောက်ရွံ့နေပါပြီ။ ကျွန်မဖြတ်သန်းရမဲ့ ကျွန်မ ဘ၀ရဲ့ မသေချာတဲ့ မနက်ဖြန်များကို ရင်ဆိုင်ဖို့ ကျွန်မ အလွန်ကို ကြောက်ရွံ့နေမိပါပြီ။